Yrsa Sigurðardóttir er einn vinsælasti rithöfundur þjóðarinnar en bækur hennar eru gefnar út víðs vegar um heiminn. Ein þeirra, bókin DNA, hefur komið út í fjölmörgum löndum en í dag birti Yrsa mynd af bókinni úr verslun í Lettlandi.
Eins og glöggir lesendur sjá er nafn Yrsu frekar undarlegt á umræddri kápu. Yrsa birti mynd af kápunni á Twitter og skrifaði: „Þú hafðir eitt verkefni“
Ástæðan fyrir þessu er sú að í Lettlandi er ekki notast við ypsilon og því hafa þeir ákveðið að breyta nafni Yrsu í Irsu, fremur undarlegt. Bókin DNA hefur farið sigurför um heiminn og fékk verðlaunin besta glæpasagan í Danmörku árið 2017.
