Rokkhátíðin Eistnaflug í Neskaupstað er haldin nú um helgina, en hátíðin er sú fjórtánda í röðinni og lýkur aðfararnótt laugardags.
Síðasti dagurinn er í dag og er boðið upp á margt fleira en bara rokk: sjósund, luftgítarkeppni,sparkmót og bjórjóga er til dæmis á dagskrá í dag. Finna má myndir á samfélagsmiðlum undir myllumerkinu #eistnaflug2018.
Tónleikar byrja síðan kl. 16. Þeir sem hafa ekki enn keypt sér miða geta keypt partýpassa við hurð á 6.000 kr. frá kl. 22:30 . Gus Gus, Agent Fresco og DJ Fahrenheit & Amma andskotans trylla lýðinn og halda uppi fjörinu fram á nótt.
Gestir geta nálgast hátíðarapp hér og þannig verið með dagskrána í símanum alla helgina.
Myndirnar eru frá fimmtudagskvöldinu og teknar af Hjalta Árna.
