Kvikmyndin Kona fer í stríð var frumsýnd í gær á Íslandi á sérstakri hátíðarforsýningu fyrir fullum sal í Háskólabíói. Eins og venjan er við slíkar sýningar hófu leikstjórinn, Benedikt Erlingsson, sem er einnig annar handritshöfunda, ásamt fleirum, sýninguna með smá ávarpi.

„Ég upplifi mig mjög blessaðan,“ sagði Benedikt. „Ég upplifi mig blessaðan af samstarfsfólki mínu og mig langar líka að blessa það þannig að hér mun fara fram lítil helgistund.“

Fyrst þakkaði hann Marianne Sloth og Carine LeBlanc fyrir samstarfið og sagðist vonast til að það héldi áfram. Einnig þakkaði hann Bergsteini Björgúlfssyni fyrir samstarfið og samvinnuna. Öll eru þau framleiðendur myndarinnar.

Íslenskir skattgreiðendur, stofnanir og ríkistjórn Íslands fengu blessun ogsagði Benedikt að stundum hefði verið þröngt í búi hjá skattgreiðendurm og myndin hefði þarfnast engla sem fundust í líka fjárfestanna, Jóns og Sigurðar Gísla Pálmasona, Kjartans Sveinssonar, Guðbjargar Sigurðardóttir, Bjarna Össurarsonar og Sigrúnar Þorgeirsdóttur.

Áhorfendur klöppuðu reglulega og sló því Benedikt á létta strengi og sagði það ekki vana að fólk klappaði mikið í messu og því væri best að klappa í lokin annars yrði þetta endalaust. Hann blessaði leiklistargyðjuna fyrir að hafa fært okkur og holdgert Halldóru Geirharðsdóttur.

„Ég get leitað að mörgum orðum, en ég held að myndin bara tali sínu máli og hún hljóti sína blessun fyrir hana.“ Aðrir leikarar og starfsmenn fengu blessun, þar á meðal Ólafur Egill Egilsson sem stóð upp í miðjum sal og blessaði til baka.

„Má ég blessa einn?,“ sagði Halldóra. „Ég verð að fá að blessa ósýnilegu leikkonuna sem lék á móti mér sem var klippt út en lærði tvö hlutverk og lék á móti mér, en þið munuð ekki sjá hana en hún var þarna og mikill stuðningur. Takk Halla Margrét Jóhannesdóttir.“

Að lokum blessaði Benedikt eiginkonu sína Charlotte Boving, og dætur þeirra.

Segja má að áhorfendur hafi hlýtt Benedikt og klappað í lokin, því eftir sýningu hennar ætlaði lófatakinu aldrei að linna. Koma aðalleikarar og aðstandendur upp á svið við mikinn fögnuð og fékk dundi í salnum þegar aðalleikkonan hneigði í salnum.

Myndin var nýlega sýnd í Cannes og fengu handritshöfundar hennar, Benedikt og Ólafur. SADC verðlaunin fyrir handrit myndarinnar.