fbpx
Sunnudagur 30.nóvember 2025

Sigþrúður Gunnarsdóttir: „Heimsljós er sú bók sem mér þykir vænst um“

Ragna Gestsdóttir
Sunnudaginn 19. ágúst 2018 20:30

Sigþrúður Silju Gunnarsdóttir

Ekki missa af Helstu tíðindum dagsins í pósthólfið þitt

Lesa nánar

Sigþrúður Gunnarsdóttir, íslensku- og bókmenntafræðingur og þýðandi, lifir og hrærist í bókum alla daga, sem ritstjóri barnabóka hjá Forlaginu. En hvaða bækur ætli séu í uppáhaldi hjá henni?

Hvaða barnabók er í eftirlæti?
„Bækurnar um Emil í Kattholti eftir Astrid Lindgren. Það er svo fallegur tónn í þessum bókum, svo ofsalega mikil hlýja í bland við eðalhúmor.“

Hvaða bók er uppáhalds?
„Heimsljós eftir Halldór Laxness er sú bók sem mér þykir vænst um og hún hefur líka fylgt mér lengi. Kaflar úr henni voru lesnir fyrir mig þegar ég var barn og síðan hef ég lesið hana nokkrum sinnum sem fullorðin kona. Það er eitthvað við aðalpersónuna sem mér finnst svo heillandi.“

Hvaða bók myndirðu mæla með fyrir aðra og af hverju“
„Hálfbróðurnum eftir Lars Saabye Christensen, vegna þess að hún er svo mögnuð og kemur manni sífellt á óvart. Svo er hægt að horfa á fína norska þætti sem gerðir voru eftir henni en það er betra að byrja á bókinni.“

Hvaða bók hefurðu lesið oftast?
„Það er örugglega einhver af bókum Astridar Lindgren eða Ole Lund Kirkegaard sem ég hef farið í gegnum bæði sjálf og með stelpunum mínum þremur, Bróðir minn ljónshjarta og Albert koma upp í hugann.“

Hvaða bók breytti lífi þínu og hvernig?
„Ég held að það séu ljóðabækurnar hennar Ingibjargar Haraldsdóttur, sérstaklega Orðspor daganna og Nú eru aðrir tímar sem ég las aftur og aftur þegar ég var á menntaskólaaldri og gríp alltaf í öðru hverju.“

Hvaða bók bíður þín næst til lestrar?
„Ég vinn náttúrlega við að lesa, svo næstu bækur sem bíða eru jólabækurnar sem eru ekki ennþá komnar út. En svo var ég að festa kaup á glænýrri skáldsögu eftir Birgittu Björgu Guðmarsdóttur sem heitir Skotheld og ég hlakka til að lesa hana.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 17 klukkutímum

Gömul ummæli Jóns Péturs um einkunnakerfi rifjuð upp – Var ekki hrifinn af tölunum og fagnaði nýju kerfi

Gömul ummæli Jóns Péturs um einkunnakerfi rifjuð upp – Var ekki hrifinn af tölunum og fagnaði nýju kerfi
Pressan
Fyrir 18 klukkutímum

Telja sig hafa leyst ráðgátuna um hina dularfullu blóðsugu „chupacabra“

Telja sig hafa leyst ráðgátuna um hina dularfullu blóðsugu „chupacabra“
Eyjan
Fyrir 20 klukkutímum

Sigurður Hólmar skrifar: Glansmyndin Ísland

Sigurður Hólmar skrifar: Glansmyndin Ísland
Eyjan
Fyrir 21 klukkutímum

Björg Magnúsdóttir: Er það til góðs að rífast við einhverja hagfræðinga um millistykki og bílastæði?

Björg Magnúsdóttir: Er það til góðs að rífast við einhverja hagfræðinga um millistykki og bílastæði?
433Sport
Í gær

Amorim tjáir sig um kerfið sitt og gagnrýni – „Þú myndir ekki segja að öll lið sem spila 4-3-3 spili eins“

Amorim tjáir sig um kerfið sitt og gagnrýni – „Þú myndir ekki segja að öll lið sem spila 4-3-3 spili eins“
Fréttir
Í gær

Ibrahim lofar munaðarleysingjaheimili Óla í Kenýa – „Þetta hjálpaði mér andlega og ég lærði svo mikið af þeim“

Ibrahim lofar munaðarleysingjaheimili Óla í Kenýa – „Þetta hjálpaði mér andlega og ég lærði svo mikið af þeim“