Í gær mætti Courtney Cox, sem lék Monicu í Friends, í þátt Ellen DeGeneres til að kynna Nine Months (nýja Facebook Watch þætti hennar sem segja frá meðgönguferli hjá nokkrum pörum í Bandaríkjunum), tala um Instagram og að eiga mini endurfundi með Lisa Kudrow, sem lék Phoebe í Friends.

Eftir að Cox var búin að kynna þættina sneri Ellen talinu að Instagram, og viðurkenndi Cox að hún væri „hrædd“ við það, en þyrfti að nota það til að kynna nýju þættina. Ellen, sem sjálf er með 65 milljón fylgjendur þar, bauðst til að aðstoða hana. Og kom Cox á óvart með því að endurgera settið úr Friends, sófann úr Central Perk, sem aðdáendur þáttanna þekkja vel.

„Ég vildi að Lisa Kudrow væri hérna,“ sagði Ellen og viti menn…..

Vinkonurnar þrjár smelltu svo mynd af sér. „Þetta er fyrsta myndin á Instagram hjá þér,“ sagði Ellen. „Ó nei, ég mun aldrei geta toppað þetta,“ sagði Cox.

https://www.instagram.com/p/BtOikgAA6q2/?utm_source=ig_embed