Lagið B.O.B.A með JóaPé og Króla hefur slegið rækilega í gegn hér á landi undanfarnar vikur. Í byrjun lagsins eru eftirminnileg ummæli Bubba rifjuð upp sem hann lét falla þegar hann lýsti boxbardaga fyrir margt löngu.
Í bardaganum, sem fór fram árið 2002, ætlaði Bubbi að stafa orðið bomba en mismælti sig svo útkoman varð boba, B.O.B.A. Sjálfur kveðst Bubbi vera hrifinn af laginu ef marka má stutt viðtal við hann í Lífinu, fylgiriti Fréttablaðsins í dag.
„Lagið er flott,“ segir Bubbi og bætir við að hann verið búinn að tapa sér í æsingi með þeim afleiðingum að eitt „m“ gleymdist. „Þannig varð bobafrasinn til. Gaman að þessu,“ segir hann.
Myndbandið við lagið má sjá hér að neðan.
[youtube https://www.youtube.com/watch?v=qIU9RkQV2xg&w=560&h=315]
