Gullfalleg í eigin skinni jafnt sem hátísku
Ljósmyndari Vogue smellti mynd af söngkonunni Celine Dion þar sem hún var að skipta um föt á tískuvikunni í París. Á myndinni sést hin 49 ára gamla Celine sitja fyrir nakin á stól, en aðeins líkamsstellingin og smá efnisstrangi hylja hana.
Söngkonan Celine er í fantaformi og ljóst að hún er gullfalleg hvernig sem hún er, en á tónleikum hennar klæðist hún jafnan hátískufatnaði sem er sérhannaður fyrir hana og meðal annars með velcro-rennilásum, sem gera henni auðvelt fyrir að skipta um fatnað á nokkrum sekúndum.
