Í nótt fór fram Grammy tónlistarverðlaunahátíðin í Los Angeles. Þetta var í 59 skiptið sem hátíðin er haldin. Að venju voru allir helstu tónlistarmenn samtímans samankomnir til að fylgjast með eða taka á móti verðlaunum.

Líkt og venja er fá tónlistarmenn, sem hneppa verðlaun, nokkrar mínútur til að halda þakkarræðu. Ræða söngkonunnar Adele, sem fékk Grammy verðlaunin fyrir bestu plötuna, hélt heldur óvenjulega ræðu sem hefur vakið mikla athygli.

Adele tileinkaði Beyoncé, sem var einnig tilnefnd fyrir plötuna Lemonade, verðlaunin. Hún sagði að Lemonade hefði frekar átt að vinna þar sem hún væri ekki bara úthugsað listaverk heldur hefði haft gríðarlega mikil áhrif á fólk um allan heim. Þá braut hún verðlaunastyttuna í tvennt og gaf Beyoncé helminginn.

[youtube https://www.youtube.com/watch?v=ctuggqUSITM&w=560&h=315]

Beynocé, sem á von á tvíburum, táraðist og þakkaði Adele innilega fyrir falleg orð með orðum og látbragði líkt og sjá má hér að ofan.