Nú hafa hagfræðingar, við háskólann í Edinborg, blandað sér í umræður er snúa að því hvort elsta systkinið sé með hærri greindarvísistölu heldur en þau sem yngri eru. Þessu hefur verið haldið fram um nokkurt skeið og hafa ýmsir vísindamenn birt niðurstöður rannsóknar málstað sínum til sönnunar.

Niðurstöður þessarar nýju rannsóknar hagfræðinganna benda fastlega til þess að elsta barnið í systkinahópnum sé yfirleitt gáfaðra heldur en yngri börnin og er það umhyggju foreldranna og öðrum umhverfisáhrifum að þakka en ekki erfðum.

Ástæðan er því ekki erfðafræðileg heldur sú að elsta barnið fær óskipta athygli foreldra sinna og lærir þess vegna meira.

Einnig er talið að það komi greind elsta barnsins til góða að þau sjá um að kenna yngri systkinum sínum eitt og annað.
Þeir sem eru ekki svo lánssamir að vera elsta systkinið í hópnum þurfa þó ekki að örvænta vegna þessa því þessi munur á greind elsta systkinisins og þeirra yngri er ekki svo mikill.

Talið er að munurinn sé aðeins 1,5 stig á hefðbundnum mælikvarða greindarvísitöluprófa.