Ástin spyr ekki um aldur, það vita fatahönnuðirnir Vivienne Westwood og Andreas Kronthaler. Hún er 75 ára og hann fimmtugur og þau hafa verið í hamingjusömu hjónabandi síðan 1992. Þegar þau kynntust var hann 22 ára og hún 47 ára og enginn átti von á að sambandið myndi endast. Þau hittust fyrst í Ástralíu þegar hann var nemandi í listaháskóla og hún var gestaprófessor. „Um leið og hún byrjaði að tala opnaðist sál mín upp á gátt,“ segir Andreas. Hann vissi að hann vildi vera með henni. Hann elti hana til London og varð lærlingur í fyrirtæki hennar og síðan hönnuður. Vivienne segir að hann sé mesti fatahönnuður heims. Andreas dáir konu sína takmarkalaust. Ég hef unun af því að vera með henni og hef unun af að fylgjast með því hvernig hún sér heiminn. Hún er grundvallaratriðið í lífi mínu,“ sagði hann í nýlegu viðtali við Sunday Times.

Vivienne er mjög pólitísk, staðfastur umhverfisverndarsinni, hefur áhyggjur af loftslagsbreytingum, og er óhrædd við að viðra skoðanir sínar. Hún stundar jóga og hjónin fara flestar sinna ferða á hjóli.