Vel fór á með þremenningunum
Söngkonan Rihanna er að skemmta sér konunglega í Frakklandi um þessar mundir, en hún er stödd þar til að kynna myndina Valerian. Fyrir stuttu hitti hún frönsku forsetahjónin, fyrst forsetafrúna Brigitte Macron í Élysée höllinni í París og fór vel á með þeim stöllum.
Síðar átti Rihanna fund með forseta landsins, Emmanuel Macron og virtist þeim verða vel til vina. Sagði Rihanna á Instagram síðu sinni að það hefði heillað hana að sjá hversu skuldbundin forsetahjónin væru í að auka menntun á heimsvísu.
