Tónlistarmaðurinn Ólafur Arnalds mun á næstunni ferðast til Pakistan þar sem hann verður gestur í brúðkaupi rithöfundarins Anam Sufi. Tilurð vináttunnar var sú að Anam sendi Ólafi skilaboð á Myspace-samfélagsmiðlinum árið 2006 þar sem hún lýsti yfir ánægju sinni með tónlist Ólafs.
Þannig var rafrænum fræjum vináttunnar sáð sem síðan hefur meðal annars getið af sér listrænt samstarf. Anam skrifaði smásögu sem leikarinn David Tennant las upp. Upplesturinn var hluti af framlagi Ólafs til Late Nights Tales-seríunnar sem var gefin út í fyrra.
Ólafur deildi sögunni af vináttu hans og Anam á Twitter-sögunni. „Ég elska internetið,“ voru lokaorð tónskáldsins.
