Fyrirsætan og hjólabrettakappinn varð að játa sig sigraðan í baráttunni gegn hvítblæði
Hjólabrettaheimurinn syrgir nú andlát Dylans Rieder sem lést eftir baráttu við hvítblæði í gær. Rieder var atvinnumaður á hjólabretti og starfaði auk þess sem fyrirsæta þar sem hann sat meðal annars fyrir á myndum með ofurfyrirsætunni Cöru Delevingne.
Rieder hóf hjólabrettaiðkun sína þegar hann var níu ára og vakti snemma mikla athygli fyrir hæfileika sína. Hann varð atvinnumaður átján ára og var meðal annars samningsbundinn fatafyrirtækinu Quiksilver. Dylan var tuttugu og átta ára þegar hann lést.
Fjölmargir nafntogaðir einstaklingar hafa minnst þessa öfluga íþróttamanns, meðal þeirra er Tony Hawk og fyrrnefnd fyrirsæta, Cara Delevingne. „Hann var ljúfur, einstaklega jarðbundinn og ein ótrúlegasta manneskja sem ég hef kynnst,“ sagði Cara.
Hér að neðan má sjá myndband af flottum tiþrifum Dylans.
[youtube https://www.youtube.com/watch?v=yM9H0i1Vls4&w=560&h=315]
