Leikarinn og Óskarsverðlaunahafinn Sean Penn mætti með nýjustu kærustu sinni, Leilu George D‘Onofrio, á rauða dregilinn á LACMA-hátiðinni í Los Angeles á fimmtudag. Penn, sem er 56 ára, og D’Onofrio, sem er 24 ára, hafa verið að hittast síðan fyrr á þessu ári en aldrei áður staðfest samband sitt opinberlega.

Leila, sem er upprennandi leikkona, er dóttir leikarans Vincent D’Onofrio sem er þekktastur fyrir leik sinn í stríðsmyndinni Full Metal Jacket og sjónvarpsþáttunum Daredevil. Penn skildi við leikkonuna Robin Wright árið 2009 og var eftir það um tíma trúlofaður leikkonunni Charlize Theron.