Ryan er 40 ára eiginmaður og tveggja barna faðir. Hann fæddist án handleggja og fótleggja og segir sögu sína í myndbandi fyrir Barcroft Tv.
Ryan fær reglulega allskonar spurningar á borð við „hvernig keyrirðu bíl“, „hvernig ferðu á klósettið“, og „hvernig geturðu eignast börn?“
„Það erfiðasta við að vera án handleggja og fótleggja er að fólk sér mig án handleggja og fótleggja. Ég vil ekki að þú horfir mig á einhvern sem er án útlima, ég vil að þú horfir á mig sem vin, sem jafningja eða einhvern töff gæja sem ég svakalegt safn af strigaskóm,“ segir Ryan.
Þegar Ryan fæddist tóku læknarnir hann strax afsíðis. Móðir hans spurði um hann og þá sögðu læknarnir:
„Það er eitthvað að, hann fæddist án útlima. Áður en við látum þig fá hann þá viljum við að þú vitir að það er í lagi að þú viljir ekki eiga hann.“
„Mamma mín sagði: „Hvað meinið þið, þetta er sonur minn.“ Henni var sagt að ég myndi aldrei fara í skóla, nota hjólastól eða keyra,“ segir Ryan en þetta eru allt hlutir sem hann hefur gert eða gerir í dag.
Ryan kynntist eiginkonu sinni, Carrie, þegar hann var tvítugur. Þau eiga saman tvö börn, Myröndu og Noah.
Ryan er fyrirmynd ungra barna sem hafa fæðst án útlima. Hann hefur verið til staðar fyrir foreldra sem hafa eignast börn án útlima og hittir þau reglulega.
„Þegar ég var yngri þekktu foreldrar mínir engan sem fæddist eins og ég, þannig ég elska að ég get hitt krakka sem fæddust eins og ég og kannski kenna þeim nokkra hluti sem ég hef lært,“ segir Ryan.
Horfðu á þáttinn hér að neðan.
