Nokkrir dagar eru liðnir frá því Óskarsverðlaunahátíð fór fram sunnudaginn 2. Mars. Það vakti athygli aðdáenda að svo virtist sem andaði köldu milli leikkvennanna Emmu Stone og Margaret Qualley. Leit út fyrir að þær ættu í áköfum orðaskiptum.

Varalesarinn, Nicola Hickling, er hins vegar búin að greina atvikið. Segir hún að Qualley hafi sagt við Stone: „Já, og ég er að fara að missa mig,“ sem bendir til að um grín hafi verið að ræða. Þetta er ekki í fyrsta sinn sem leikkonurnar leika sér með sama hætti, en þær höfðu áður átt í svipuðum aðstæðum á Cannes kvikmyndahátíðinni árið 2024. Svo virðist sem um eins konar einkabrandara sé að ræða sem aðdáendur leggja of sterkan skilning á.

„Það lítur út fyrir að Qualley sé að stilla sér upp fyrir átök þegar hún gefur Stone svona „Vond stelpa svip“ (e. Mean Girl),“ sagði Hickling við Daily Mail um myndbandið sem vakti mikla athygli á netinu eftir verðlaunahátíðina. „Ekki hafa áhyggjur, þær eru ekki að rífast.“

Í myndbandinu sést Qualley, ganga að Stone á meðan hún talar ákaft og kinkar kolli, á sama tíma og Stone virðist hörfa aðeins til baka. Eiginmaður Qualley, tónlistarmaðurinn Jack Antonoff, stendur nálægt þeim en virðist ekki taka þátt í samskiptunum.

@accesshollywood A joint slay with #EmmaStone and #MargaretQualley 🔥 #awardseason ♬ original sound – Access Hollywood

„Þær gera þetta stöðugt,“ sagði Hickling við Daily Mail og vísaði til þess að Qualley og Stone hefðu áður átt í svipuðum samskiptum á kvikmyndaviðburðum, meðl annars á kvikmyndahátíðinni í Cannes árið 2024.

Svo virðist sem margir aðdáendur hafi trúað því að leikkonurnar ættu í einhverjum útistöðum.

„Þetta var pínu árásargjarnt! Þarf á frekari útskýringum að halda,“ skrifaði netverji við myndbandið. Annar bætti við: „Ég hélt að þær væru að rífast.“ Sá þriðji spurði: „Af hverju er Emma að hörfa svona frá henni ?“

Stone sem vann Óskarinn fyrir besta leik í aðalhlutverki árið 2024 var kynnir á verðlaunahátíðinni í ár. Qualley tók þátt í dansatriði sem hluti af James Bond-heiðruninni.