Nú er saga á sveimi að hegðun fyrrverandi kryddpíunnar Victoriu Beckham í brúðkaupi sonar hennar, Brooklyn Beckham og eiginkonu hans, Nicolu Peltz, hafi orðið til þess að margra áralangt rifrildi hafi byrjað.

Hún er sögð hafa „eyðilagt“ brúðkaupið með athæfi sem viðstaddir voru gáttaðir á.

Sjá einnig: Telja þetta sterka vísbendingu um að hún og tengdamamman séu enn í stríði

Samkvæmt People steig tónlistarmaðurinn Marc Anthony á svið í brúðkaupinu – sem átti sér stað í Palm Springs árið 2022. Marc er gamall vinur Victoriu og David Beckham. Hann ætlaði að syngja fyrir fyrsta dans brúðhjónanna, en áður en hann byrjaði að syngja bað hann Brooklyn um að koma upp á svið ásamt „fallegustu konunni í salnum í kvöld… Victoria Beckham.“

Samkvæmt heimildarmanninum bjuggust gestirnir – og líklegast brúðhjónin sjálf – að hann ætlaði að biðja Nicolu um að koma. En Victoria byrjaði að dansa við Brooklyn og er þetta sagt hafa markað upphafið á leiðindunum.

Sjá einnig: Versta martröð Victoriu Beckham orðin að veruleika

Heimildarmaðurinn segir að gestir hafi verið agndofa. „Þetta var svo ótrúleg stund að gestirnir voru stjarfir af undrun. Það hefði mátt heyra saumnál detta,“ sagði annar heimildarmaður.

Nicola er sögð hafa farið að gráta og yfirgefið salinn.

„Nicolu fannst eins og Victoria hafi gert þetta viljandi […] en hún skildi ekki hvers vegna.“

Enginn úr fjölskyldunni hefur staðfest – né neitað fyrir – söguna.

Sjá einnig: Fjölskyldudramað nær nýjum hæðum – David Beckham lét Brooklyn heyra það