Myndband af ungu barni draga að sér reyk úr rafrettu hefur farið eins og eldur í sinu um netheima. Barnið er enn í bleyju og sýgur rafrettuna á meðan heyra má í öðru barni hósta.

Barnið með rafrettuna er í barnabílstól og að sögn fjölmiðla vestanhafs er það aðeins tveggja ára gamalt.

Það fær sér smók og kallar síðan: „Nanny!“ Þá heyrist í einhverjum fullorðnum segja: „Hvað?“

Barnið segir síðan eitthvað óskiljanlegt en virðist vera að tala um rafrettuna þar sem það réttir rafrettuna fram og segir eitthvað.

Hitt barnið, sem er ekki í mynd, fær hóstakast og segir: „Þú ert að kæfa mig með rafrettunni.“

Talið er að myndbandinu hafi verið lekið af Whatsapp-þræði og var síðan birt á X (áður Twitter) fyrr í mars. Það hefur vakið mikinn óhug og reiði meðal netverja.

Fólk vonar að með myndbandsbirtingunni muni vera hægt að bera kennsl á foreldra barnsins og tryggja öryggi barnanna.