Hefur hún til dæmis sett upp bækistöðvar á háskólasvæðum, í Nottingham til dæmis, í leit að ungum körlum til að stunda kynlíf með. Sögðu breskir fjölmiðlar frá því á dögunum að hún hefði stundað kynlíf með 158 karlmönnum í Nottingham og grætt á tá og fingri á því að selja efnið.
Sjá einnig: Segist ekki vera kynferðislegt rándýr en 16 þúsund manns eru ósammála
Á dögunum var greint frá því að vegabréfsáritun Bonnie í Ástralíu hefði verið afturkölluð eftir að hún auglýsti eftir „rétt svo löglegum 18 ára drengjum“ til að stunda kynlíf með. Var það gert á grundvelli þess að hún hugðist vinna í Ástralíu.
Bonnie og vinkona hennar, ástralska klámmyndaleikkonan Annie Knight, hafa ekki látið deigan síga og eru þær stöllur staddar á Fídjíeyjum þessa dagana í sama tilgangi þar sem þær leita að ungum karlmönnum til að stunda kynlíf með.
Sjá einnig: Svaf mest hjá 22 karlmönnum á einu kvöldi – Biðu í röð fyrir utan hótelherbergið hennar
Ástralski fjölmiðillinn News.com.au greinir frá því að báðum verði vísað úr landi þar sem þær hafa gerst uppvísar að því að brjóta reglur í landinu með því taka upp klámfengið efni.
Haft er eftir Pio Tikoduadua, ráðherra innanríkismála á Fídjíeyjum, að Bonnie að minnsta kosti verði sparkað úr landi. Nefndi hann hana sérstaklega á nafn í yfirlýsingu sinni.
Var þessi ákvörðun tilkynnt eftir að annar ráðherra, Viliame Gavoka, viðraði áhyggjur sínar af því að Bonnie og Annie væru að skaða ímynd Fídjíeyja en efnahagur landsins reiðir sig að miklu leyti á ferðamenn.
Skömmu áður en Pio greindi frá ákvörðun sinni höfðu Bonnie og Annie birt færslu á samfélagsmiðlum þar sem þær „grobbuðu sig af afrekum gærdagsins“ eins og það er orðað í frétt ástralska miðilsins. Sögðust þær þegar hafa sofið hjá 24 einstaklingum en „mikil vinna“ væri fram undan.
