Eiginmaður hennar, Cameron Grigg, greindi frá fráfalli hennar um helgina.
„Enginn býst við því að þurfa að kljást við svona sársauka, sérstaklega á okkar aldri. Undanfarið ár hefur Taylor þurft að glíma við meiri sársauka og kvalir en flestir gera yfir ævina. Þrátt fyrir það hefur hún verið svo mikið ljós og fært öllum í kringum hana gleði. Hún er hugrakkasta og sterkasta kona sem ég þekki,“ sagði hann í færslu á Instagram.
Taylor var með yfir milljón fylgjendur á TikTok og hafði birt myndband á miðlinum, stuttu áður en hún dó, um heilsuvandamál sín. Hún sagðist hætt að þykjast og vildi vera sönn sér sjálfri.
„Sumir eru með ákveðnar skoðanir varðandi hvað sé að mér,“ sagði hún í myndbandi í ágúst.
„Fyrst þegar ég byrjaði þá naut ég þess að taka upp efni og vera fyrir framan myndavélina. Eftir einhvern tíma þá var ég farin að finna fyrir pressu að standa mig, pressu að vera svona og hinsegin, sem er alveg ómögulegt fyrir eina manneskju að vera. Maður byrjar að setja upp leikrit, en ég er hætt því.“
Taylor herjaði erfiða baráttu við krónískan sjúkdóm. Hún sagðist stundum vera of veikburða til að labba og að stundum væri hún rúmföst vegna verkja.
„Mér líður eins og ég sé að berjast alla daga. Mér líður eins og ég hef týnt sjálfri mér og er að reyna að finna mig,“ sagði hún með tárin í augunum.
Taylor sagði aldrei við hvaða sjúkdóm hún var að kljást við.
Prófaðu að endurhlaða síðuna ef þú sérð ekki færsluna hér að neðan.
View this post on Instagram
