Raunveruleikastjarnan Larsa Pippen, sem hefur slegið í gegn í þáttunum Real Housewives of Miami, olli talsverðu fjaðrafoki eftir að hún birti bikinímynd af sér á Instagram.

Ástæðan var að mörgum þótti mjög augljóst að Pippen, 49 ára, hafði átt við myndina í myndvinnsluforriti, þá sérstaklega photoshoppað klofsvæðið.

Á myndinni má sjá raunveruleikastjörnuna sitja á sólbekk og halla sér aftur en eins og má sjá hér að neðan, er húð hennar furðuslétt, sérstaklega í kringum nárann, og bentu fylgjendur hennar á það. Gagnrýnin varð svo mikil að Pippen endaði með að eyða myndinni.

„Shit hvað þetta er photoshoppað. Við sjáum þig í sjónvarpinu og vitum hvernig líkami þinn lítur út í raun og veru,“ sagði einn netverji.

„Það eru engar hrukkur í náranum. Ég hata fegurðarstaðlana okkar og svona mikið photoshop. Ég bara veit að það er einhver þarna úti sem er að bera eigið klof saman við þessa mynd og líður illa út af því,“ sagði ein kona.

„Ég skil að fólk notar photoshop ef það er óöruggt með eitthvað. En ef þú fílar ekki hvernig klofið þitt lítur út, af hverju að taka mynd þar sem það sést svona vel. Við bókstaflega sjáum pixels þar sem þú blörraðir,“ sagði annar.

Larsa á fjögur börn, frá 15 til 23 ára, með fyrrverandi eiginmanni sínum, Scottie Pippen. Hún er í sambandi með syni körfuboltakappans Michael Jordan, Marcus Jordan, sem er 33 ára.