Svona hefst bréf konu til kynlífs- og sambandsráðgjafa The Sun, Dear Deidre.
„Það var eins og þetta hafi kveikt einhvern neista hjá honum. Á þeim tíma spáði ég ekki meira í þessu en því meira sem ég hef hugsað um þetta þá hef ég velt því fyrir mér hvort það liggi eitthvað meira að baki spennunnar,“ segir hún.
Konan er 45 ára og eiginmaður hennar er 50 ára. Þau hafa verið gift í 20 ár.
„Sambandið okkar hefur alltaf verið frábært en ég get ekki sagt að við höfum einhvern tíma verið ævintýragjörn í svefnherberginu. Það hefur aldrei truflað mig en eitthvað breyttist fyrir tveimur vikum.“
Konan var þá úti að skemmta sér með vinkonum sínum. „Þetta gerðist svo hratt en ég fann að ég laðaðist að vinkonu minni. Við urðum nánari með kvöldinu og í lok kvöldsins deildum við nokkrum ástríðufullum kossum. Við höfum ekki talað um þetta síðan en ég hef verið að hugsa mikið um það,“ segir hún.
Hún ákvað að segja eiginmanni sínum frá þessu. „Ég vildi vera hreinskilin við hann. Viðbrögðin hans komu mér á óvart en hann lét eins og hann hafi unnið í happdrætti. Hann var ótrúlega spenntur og við enduðum með að stunda æðislegt kynlíf,“ segir hún.
Hún hugsaði ekki meira um þetta þar til fyrir nokkrum dögum. „Ég hef verið að hugsa, mig hefur alltaf grunað að eiginmaður minn og umrædd vinkona laðist að hvort öðru. Fyrir nokkrum árum síðan fannst mér þau láta eitthvað grunsamlega, þetta var á sama tíma og hann var mjög „upptekinn í vinnu“. Nú grunar mig að þau hafi verið að halda framhjá á þeim tíma. Gæti það verið ástæðan fyrir því að hann hafi orðið svona spenntur?“
„Það er engin leið að vita hvað hafi gerst á milli þeirra nema þú talir við eiginmann þinn. Það á bara eftir að særa þig að ímynda þér einhverjar aðstæður. Fáðu hann til að setjast niður með þér og spurðu hann rólega út í þetta.“
