Fyrsti þátturinn í þriggja þátta röð Anatomy of a Champion`með Formúla 1 stjörnunni sjálfri Max Verstappen verður frumsýndur á Viaplay, á morgun, sunnudag 2. apríl næstkomandi. Þar gefst áhorfendum einstakt tækifæri til að skyggnast inn í líf Max Verstappen, kappaksturshetjunnar ungu, við þjálfun og keppni í besta flokki í þessari heimsíþrótt.
Kastljósinu er beint að sigurgöngu Verstappens í heimsmeistarakeppninni 2022 en um leið fáum við innsýn í barnæsku ökuþórsins og einstakt samband hans við föður sinn, Jos Verstappen.
Þáttaröðin Anatomy of a Champion gefur áhorfendum og aðdáendum Formúlu 1 óvenjulegt tækifæri til að sjá inn í veröld hins hæfileikaríka Max Verstappen. Strax kornungur leitast hann eftir að ná fullkomnun og skynjar glöggt ábyrgðina á herðum sér undir mikilli pressu gífurlegrar fjölmiðlaathygli.
Í nafni föðurins
Þáttaröðin veitir einnig mikla innsýn í persónulegt líf Max Verstatten og varpar ljósi á náið samband þeirra feðga en faðir hans, Jos, á stóran þátt í að Max hefur náð jafnmiklum árangri og raun ber vitni. Eða eins og Jos Verstappen segir: „Flestir hafa enga hugmynd um hvað þarf til að komast á toppinn í þessari íþrótt.“
´Max Verstappen: Anatomy of a Champion` er skylduáhorf fyrir alla gallharða aðdáendur Formúlu 1 en ekki síður fyrir þá sem hrífast af spennu og tilfinningaþrungnum atvikum sem nóg er af þegar skyggnst er bak við tjöldin í þessari einstöku keppnisíþrótt.
Þættirnir þrír verða á sunnudögum, fyrsti þátturinn verður frumsýndur 2. apríl á Viaplay.
Brot úr þættinum má sjá hér.
