Karlmaður nokkur ákvað að fá sér húðflúr til heiðurs kærustu sinni. Slík húðflúr skipta sennilega hundruðum þúsunda víðs vegar um heiminn, enda oftast gert með rómantískum huga meðan ástin er við völd og allt það. Margir setja upphafsstafi sinnar heittelskuðu, fullt nafn, blóm eða annað álíka krúttlegt.
Þessi ungi maður fór þó allt aðra leið, eins og sjá má í 20 sekúndna myndbandi á TikTok. Þar má sjá kærustuna bíta sig heittelskaða svo fast í upphandlegginn að allur tanngarðurinn er sjáanlegur á eftir. Næst má heyra húðflúrnálina fara í gang og viti menn, nú er þessi ágæti maður rækilega merktur sinni heittelskuðu að eilífu, þar til dauðinn aðskilur þau og tanngarðurinn um leið.
@bettyzootattoo Bite Mark tattoo #fyp #bf #tattoo #bitemarktattoo #foryou #trending #onthisday #fypviralシ ♬ My Love Mine All Mine – Mitski
Myndbandið er birt af Betty Zoo Tattoo, húðflúrstofu í Kaupmannahöfn í Danmörku. Meira en 14 milljón áhorf voru á myndbandið á innan við viku og auðvitað fjöldi athugasemda, sem fæstar eru jákvæðar.
„Hvað er heimskulegasta húðflúr sem þú getur hugsað þér að fá þér?“
„Hver er heimskulegasta hugmyndin að húðflúri… mig langar í eitt slíkt?“
Nokkrir bentu ef parið myndi hætta saman hvernig maðurinn ætlaði að útskýra húðflúrið fyrir næsta maka.
Ekki voru þó allir á móti húðflúrinu, þar sem einn notandi skrifaði: „Ó, ég held að ég sé sá eini sem líkaði við þetta.“ Annar sagði: „Bíddu, mér finnst þetta lágkúrulega sætt.“
