Fegurðardrottningin Lilja Sif Pétursdóttir keppti í forkeppni Miss Universe aðfaranótt fimmtudags. Hún stóð sig frábærlega og geislaði á sviðinu, en það sem áhorfendur vissu ekki er að stuttu áður en hún steig á svið var aldeilis ringulreið. Teymið sem sér um keppnina – sem fer fram í El Salvador í ár – týndi síðkjól Lilju og þurfti hún að redda öðrum kjól á síðustu stundu.
Sjá einnig: Hefur þroskast mikið sem manneskja í gegnum þetta ferli
„Lilja keppti í forkeppni Miss Universe í gær og steig á svið í þessum gyllta kjól, var landi og þjóð til sóma og rúmlega það,“ segir Manuela Ósk Harðardóttir, framkvæmdastjóri Ungfrú Ísland.
„En þetta er alls ekki kjóllinn sem við völdum þegar við vorum í Bandaríkjunum, sem hún ætlaði að vera í.“
„Nokkrum klukkutímum áður en keppnin hófst kom í ljós að það var búið að týna kjólnum hennar Lilju. Þegar hann loksins fannst eftir margra klukkutíma leit hjá staffinu, þá voru stærðarinnar svartir blettir á honum. Hann var svo illa farinn að það kom ekki til greina að hún gæti verið í honum. Kjóllinn var sendur í hreinsun og verður vonandi tilbúinn fyrir lokakvöldið á laugardaginn,“ segir Manuela.
„Lilja sendi okkur svo þessa mynd, glöð með að hafa fengið kjól lánaðan. Kjóllinn hennar er samt miklu meira hún og ég get ekki beðið eftir að sjá hana í honum á laugardaginn,“ segir Manuela og bætir við:
„Það þarf alvöru styrk til að taka svona hremmingum með jákvæðni og labba sjálfsörugg og brosandi inn á sviðið í beinnig útsendingu. Þvílík fyrirmynd sem hún Lilja er.“
Í samtali við DV segir Manuela að kjóllinn verði frumsýndur á morgun, en engar myndir af honum muni rata á samfélagsmiðla fyrr en eftir keppni.
„Já, þetta var alveg svakalegt og lætur mann alveg hugsa, svona á ekki að geta gerst,“ segir hún.
„Þetta var forkeppnin, allir keppendurnir fengu að ganga í bæði sundfötum og síðkjól. Dómararnir velja síðan topp 20 stelpurnar og verður sá hópur tilkynntur á laugardaginn og bara þær sem komast áfram fá að keppa á lokakvöldinu. Þannig Lilja mun aðeins fá að ganga um sviðið í sínum kjól ef hún kemst áfram.“
Prófaðu að endurhlaða síðuna ef þú sérð ekki færslurnar hér að neðan.
View this post on Instagram
Keppninni verður streymt á YouTube-síðu Miss Universe aðfaranótt sunnudags, klukkan 02:00 á íslenskum tíma.
These National Costumes have left us speechless! 😶#72ndMISSUNIVERSE #MissUniverse2023 pic.twitter.com/G9TYy8LjZY
— Miss Universe (@MissUniverse) November 17, 2023
View this post on Instagram
