Fanney Sandra Albertsdóttir, förðunarfræðingur og einkaþjálfari, og Garðar Gunnlaugsson knattspyrnumaður, giftu sig í dag hjá sýslumanninum á höfuðborgarsvæðinu.
„No worries fjölskylda og vinir, við munum að sjálfsögðu halda almennilegt brúðkaup, athöfn og veislu seinna þegar ég er ekki ólétt,“ skrifar Fanney Sandra á Instagram. Sonur hjónanna, móðir Fanneyjar Söndru og foreldrar Garðars voru viðstödd.
Hjónin eiga von á sínu öðru barni, en Garðar á fyrir fjögur börn úr fyrri samböndum. Fanney Sandra er alvön stórum systkinahópi, en hún er næstelst í tíu systkina hópi.
Garðar bað Fanneyjar Söndru fyrir framan Eiffelturninn í París í Frakklandi, í júlí 2022.
