„Þegar MeToo byltingin byrjaði, fór ég að skoða sjálfan mig,“ segir Gunnar, sem þekktur er sem tónlistarmaðurinn Major Pink. Hann bætir því að byltingin sjálf hafi hreyft við mörgum karlmönnum. 

„Þetta er það góða við MeToo byltinguna, við erum ansi margir sem fórum að gera það,“ segir Gunnar og bætir því við að sjálfsskoðunin hafi leitt ófáum karlmönnum eigin hlut í neikvæðum aðstæðum fyrir sjónir. „Þó allt of fáir karlmenn hafi viljað tala opinberlega um málið eða hafi viðurkennt sinn hlut. Ég vil vekja athygli á þessu og hvetja fleiri karlmenn til að tala upphátt um þessa hluti.“

Gunnar hefur vakið athygli fyrir sinn einstaka tónlistarstíl ásamt sinni djúpu og ljóðrænu nálgun á textaskrif. Síðustu mánuði hefur Gunnar tekið eftir miklu umtali um ofbeldi karlmanna sem hefur leitt til þess að enn fleiri konur stíga fram og segja frá sinni reynslu með það markmið að varpa ljósi á málefnið til að stöðva ofbeldisfulla hegðun.

„Með textanum, sem fjallar um þá verstu af mínu kyni, er ég að gera mitt besta til að þroskast og læra að skilja hvað fórnarlömb kynbundins ofbeldis ganga í gegnum,“ segir Gunnar um texta í nýju lagi sínu, Love Me Loud, en textinn fjallar um þrjár erkitýpur karlmanna sem beita konur ofbeldi.

Ásamt því að endurspegla sig í sinni fortíð þar sem Gunnar segist sjálfur ekki hafa alltaf vitað sín mörk eða hagað sér á óviðeigandi hátt en segist þó aldrei hafa viljandi sært aðra og sé hann maður með gott hjarta og er því ánægður að sjá fræðsluna sem nú er verið að kenna ungum mönnum og  mönnum á öllum aldri um hver mörkin eru, hvað sé í lagi og hvað ekki.

Fylgja má Gunnari á Facebook og  Instagram.