Hin 30 ára gamla Debora Peixoto segir að það hafi verið ást við fyrstu sín er hún og frændi hennar í þriðja ættlið, Anderson Alves Peixoto, hittust í fyrsta skipti. Þau voru heima hjá föður Debora þegar þau sáu hvort annað fyrst en þau segjast strax hafa náð vel saman og byrjað að fara á stefnumót. Þegar einungis fjórir dagar voru liðnir frá fyrsta stefnumótinu voru þau svo flutt inn saman. Það voru svo ekki liðnir þrír mánuðir þar til þau voru byrjuð að skipuleggja brúðkaupið og fljótlega eftir það giftu þau sig.

New York Post fjallar um samband Peixoto hjónanna en þau segjast hafa verið byrjuð að skipuleggja brúðkaupið eftir fyrsta kossinn, sem kom þegar þrír dagar voru síðan þau hittust í fyrsta skiptið. Töluverður aldursmunur er á hjónunum en Anderson Alveg er 59 ára gamall og því tæplega tvöfalt eldri en Debora. Debora segist þó ekki láta aldurinn á sig fá og ekki heldur þá staðreynd að hann er frændi hennar.

„Ég hef verið gagnrýnd því hann er eldri en ég og því ég giftist frænda mínum en þetta var ást við fyrstu sín,“ útskýrir hún.

Ljóst er að Debora er nokkuð viss um að frændi hennar sé sá rétti því hún er búin að fá nafn eiginmannsins húðflúrað á sig. „Ég fékk nafnið hans húðflúrað á mig og hann bauð mér að flytja inn til sín. Hann fór til föður míns og bað um hönd mína og fjórum dögum síðar bjuggum við saman. Einungis þremur mánuðum síðar vorum við að skipuleggja brúðkaupið okkar.“