„Ef ég á að vera alveg hreinskilin þá skoðaði ég ekki mikið af viðbrögðunum [sem herferðin fékk],“ sagði Leni í samtali við Page Six.
Leni er 18 ára og fetar í fótspor móður sinnar í fyrirsætubransanum. Mæðgurnar sátu saman fyrir ítalska undirfatafyrirtækið Intimissimi og herferðin fór í loftið í október.
Mörgum þótti myndirnar „furðulegar“ og „óviðeigandi“ og tjáðu skoðun sína á samfélagsmiðlum. Leni viðurkenndi að hún hafi forðast að lesa athugasemdirnar á Instagram.
View this post on Instagram
„Ég er ánægð með herferðina og átti frábæran dag með mömmu minni. Mér þótti myndirnar koma vel út og við skemmtum okkur konunglega,“ sagði Leni og bætti við að það hefði verið gaman að fá tækifæri til að vinna með móður sinni.
„Ég elska hana. Hún veitir mér innblástur og gefur mér ráð, allt við hana er stórkostlegt. Ég gæti haldið endalaust áfram.“
View this post on Instagram
Útvarpsmaðurinn Howard Stern var meðal þeirra sem gagnrýndu mæðgurnar. Hann sagði í útvarpsþætti sínum að honum þætti herferðin óviðeigandi.
„Þetta er svo fokking út úr kortinu. Þetta er svo óviðeigandi, en þú getur ekki hætt að horfa á þetta,“ sagði hann.
„Þetta er eins og persónuleg fantasía karlmanna. Þær eru að kyssast og halda utan um hvor aðra. Og þær eru að fíflast.“
Netverjar höfðu einnig nóg um málið að segja.
„Að kyngera dóttur þína um leið og hún verður lögleg er furðulegt,“ sagði einn netverji.
„Ég myndi ekki sitja fyrir í kynþokkafullum undirfötum með móður minni,“ sagði annar.
