Cassandra Cass, 41 árs, er glamúrfyrirsæta, búrlesk dansari (e. burlesque) og skemmtikraftur. Hún býr í Hollywood en er fædd og uppalin í litlum sveitabæ í Iowa.
Hún segir sögu sína í þættinum Shake My Beauty, frá vefmiðlinum Truly.
View this post on Instagram
Cassöndru var úthlutað karlkyni við fæðingu og kom út úr skápnum sem trans kona sextán ára gömul.
Það varð mikið og ljótt umtal í kjölfarið í litla sveitarfélaginu í Iowa og hafði mikil áhrif á samband hennar og föður hennar, Bill, 75 ára.
„Stærsta áskorunin við að vera trans kona er fjölskyldan […] Samband mitt og föður míns er mjög flókið,“ segir hún í þættinum.
Þau talast við en í þættinum hittir hún pabba sinn í fyrsta skipti í tvö ár. Þau eiga opinskátt samtal um fortíðina í von um að það hjálpi sambandi þeirra.
Cassandra flutti fyrir rúmlega 20 árum til Los Angeles til að elta drauminn um að verða skemmtikraftur og konan sem hún vissi að sér hafi ætlað að vera.
„Ég elska mig og ég elska hvernig ég hef unnið hörðum höndum að öllu sem ég hef gert,“ segir hún.
Horfðu á þáttinn hér að neðan.
