Áheyrnarprufur í American Idol standa nú yfir. Cassandra Coleman er ein af þeim sem tók þátt á dögunum og hefur myndband af áheyrnarprufu hennar fengið hátt í 1,4 milljón í áhorf.
Dómararnir, Lionel Richie, Katy Perry og Luke Bryan, voru yfir sig hrifnir af Cassöndru og einstöku rödd hennar. Hún söng lagið „The Way It Was“ með The Killers.
„Þetta var eins engilfagurt og það getur orðið,“ sagði Lionel Richie.
Luke Bryan sagði að rödd hennar væri „greinilega Guðsgjöf.“
Dómararnir spurðu hana síðan hvort hún spili einnig á hljóðfæri og hún sagðist spila á píanó. Hún söng og spilaði lagið „Apologize“ með One Republic.
„Þú ert ný rödd sem heimurinn hefur aldrei heyrt áður,“ segir Luke Bryan eftir flutninginn. „Ég get ekki sagt hverjum þú líkist […] Þú ert í sérflokki.“
Horfðu á áheyrnarprufuna hér að neðan.
