Hér er hún komin, brakandi fersk stjörnuspá fyrir vikuna. Hvað segja stjörnurnar um næstu viku ?

Vikan 26.03. – 01.04.

Hrútur
21. mars–19. apríl

Elsku, duglegi og útsjónarsami Hrútur. Þú fagnar krefjandi verkefnum og færð mikið út úr því að leysa þau. Þú kannt svo sannarlega að hugsa út fyrir boxið og vekur mikla aðdáun á vinnustaðnum fyrir útsjónarsemi þína og sköpunargleði.

Naut
20. apríl–20. maí

Nautið er í góðu jafnvægi þessa vikuna. Það er ekki mikið um að vera. Það kemur þér í opna skjöldu hversu auðvelt þú átt með að vera bara í núinu, staldra þar við og hefur ekki neinar óþarfa áhyggjur.

Tvíburi
21. maí–21. júní

Tvíburinn er spennufíkill og mun því vera einn af þeim sem pakkar niður nesti, græjar gönguskóna og fer í ævintýraleiðangur upp að eldgosinu góða. Þú færð mikinn kraft frá móður náttúru og ert ævinlega þakklátur fyrir að eiga heima á svona einstökum og mögnuðum stað.

Krabbi
22. júní–22. júlí

Krabbinn er þekktur fyrir „pabba húmor“ og býður öllum sem koma í heimsókn velkomna með Hrauni og gosi við komu. Að venju er krabbinn líka mikil fjölskylduvera og eyðir vikunni í að ákveða hvað hann geti fengið alla til að gera með sér um páskana.

Ljón
23. júlí–22. ágúst

Ljónið fer aðeins meira inn á við þessa vikuna. Þú skrifar í dagbókina sem þú hefur ekki gert í nokkra mánuði. Þú leyfir þér að vera í mýktinni og grætur mikið yfir einni, væminni klassískri kvikmynd.

Meyja
23. ágúst–22 .sept

Þú tekst á við nýjar aðstæður og ert örlítið stressuð. Það er fullkomlega eðlileg tilfinning en þú munt finna þig vel í þessu nýja verkefni og hlutirnir munu ganga betur en þú hefðir vogað þér að ímynda þér.

Vog
23. sept–22. okt

Þú færð nýjan starfskraft sem þú ert búin að vera bíða eftir. Nú lítur þú til baka og óskar þess að þú hefði nýtt tímann betur, en það þýðir ekkert, þannig að þú skalt bara hætta því og halda ótrauð áfram. Áfram þú!

Sporðdreki
23. okt–21. nóv

Þú þarft að vera sáttasemjari þessa vikuna eða hjálpa einstaklingum að finna lausnir á málum þar sem allir verða sáttir, þrátt fyrir að þurfa að gefa eitthvað eftir. Þú er með góða leiðtogahæfni, því ætti þetta ekki að vera stórmál fyrir þig.

Bogmaður
22. nóv–21. des

Loks fer boltinn að rúlla og þú sérð fyrir endann á einum kafla og ert svo sannarlega spenntur fyrir þeim næsta. Þú klárar viðskiptaáætlun og færð styrk fyrir vikulok sem mun hvetja þig áfram í þessu nýja verkefni.

Steingeit
22. des–19. janúar

Ef þig langar að slökkva á símanum og fela þig undir teppi þá gerirðu það bara. Það kemur vika eftir þessa og þú getur verið afkastamikil þá. Það er svo mikilvægt að hlusta á þarfir sínar og nauðsynlegt að passa vel upp á að vera ekki of hörð við sig.

Vatnsberi
20. janúar–18. febrúar

„Blast from the past“ ef okkur leyfist að sletta smá. En einhver úr fortíðinni lætur í sér heyra og vill tengjast þér á nýjan leik. Þið hafið bæði breyst mikið á þessum tíma í sundur og nú mögulega tilvalinn tími til þess að endurbyggja sambandið á nýjum grundvelli.

Fiskur
19. febrúar–20. mars

Þér líður eins og það sé ekkert um að vera en það er ekki raunin. Þú er að leggja mikla grunnvinnu fyrir það sem koma skal. Stundum byrjar ferlið bara með hugmyndinni sjálfri en hún er einmitt mikilvægasta fræið.