Salt Bae hefur undanfarið orðið einn þekktasti matreiðslumaður heims. Nýstárleg aðferð hans við að skera steikur og salta þær kom honum rækilega á kortið árið 2017 þegar myndband af því fór sem eldur í sinu um netheima og hefur hann síðan þá verið þekktur sem undir nafninu Salt Bae.

Salt Bae á hlut í steikhúsum um allan heim sem njóta mikilla vinsælda meðal ríka og fræga fólksins. En þú þarft að vera ansi loðinn um lófanna til að hafa efni á matnum hans Salt Bae.

Fyrir stuttu greindi breska sjónvarpsstjarnan Gemma Collins frá því að hún hefði fengið áfall eftir að hafa borgað rúmlega 250 þúsund krónur fyrir steik á nýja veitingastað Salt Bae í London.

Sjá einnig: Fékk áfall og varð „óglatt“ þegar hún fékk reikninginn frá Salt Bae

Það eru ekki aðeins steikurnar sem eru með ævintýralegan verðmiða að mati margra. Kaffibollinn kostar þig um 8900 krónur.

Þetta er enginn venjulegur kaffibolli, hann kallast „GOLDEN CAPPUCINO“, og já skrifað með hástöfum.

Einn viðskiptavinur deildi mynd af kvittuninni sinni. Máltíðin í heild sinni kostaði hann rétt rúmlega 400 þúsund krónur.

Salt Bae opnaði staðinn þann 23. september og síðan þá hafa netverjar verið duglegir að gagnrýna verð á mat og drykk. Aðrir koma staðnum til varnar og segja einfaldlega: „Ef þú hefur ekki efni á því, ekki kaupa það.“