Ali Wunderman er ferðablaðamaður og hefur hlotið verðlaun fyrir skrif sín. Hún skrifar greinar fyrir vefmiðla á borð við Forbes, HuffPost, Vice og Cosmopolitan.
Ali aðhyllist einnig svokallaðan „swinger“ lífsstíl og skrifar reglulega pistla um þann hluta af lífi sínu á vef Cosmopolitan. Eins og í apríl í fyrra sagði hún frá því að hún hefði farið í „stafræna orgíu“ eftir að swingpartýinu var aflýst vegna Covid.
Sjá einnig: Swingpartýinu aflýst vegna COVID-19: „Fórum í stafræna orgíu í staðinn“
Ferðablaðamennskan hefur sent Ali víðs vegar um heiminn, meðal annars til Íslands og varð hún dolfallin fyrir landinu og mætti segja að hún sé mikill Íslandsvinur. Hún hefur ferðast nokkrum sinnum til landsins, ekki nóg með það hefur hún skrifað mikið um landið, bæði fyrir vefgreinar og ferðabækur. Hún hefur þó ekki skrifað um swingsenuna hér.
View this post on Instagram
Í nýjasta pistli sínum fyrir Cosmopolitan segir hún frá svokallaðri kynlífssiglingu (e. sex cruise) sem hún fór í með eiginmanni sínum, Michael. Hún titlar pistillinn: „Ég fór í kynlífssiglingu til að ríða ókunnugum fyrir framan eiginmann minn“ og lýsir ferðinni fyrir lesendur.
Hún var mjög spennt að komast í siglinguna en lítið hefði verið um kynlíf hjá henni mánuðina á undan vegna Covid og samkomutakmarkana. „Ég vissi að orkan yrði frábær og allt öruggt þar sem gestir, starfsmenn og áhöfnin voru bólusett fyrir Covid,“ segir hún.
Ali segir að þetta hafi verið eins og hver önnur skemmtiferðasigling. Skipið sigldi frá París til stranda Normandy og til baka með nokkrum skemmtilegum stoppum. „Dagarnir voru eins og hver annar dagur á öðrum lúxus skemmtiferðaskipum, en á kvöldin var dregið fyrir, leikherbergið opnað og sjóðheit þemakvöld í gangi,“ segir hún.
„Ég viðurkenni að ég var smá feimin í fyrstu, enda ekki búin að eiga mikið félagslíf síðastliðið eitt og hálft ár. En þessir kynþokkafullu ferðalangar voru allir svo yndislegir að það leið ekki á löngu þar til ég var orðin spennt að ríða einhverjum öðrum en eiginmanni mínum.“
Ali fer nánar út í smáatriði í pistlinum sem má lesa hér. Hún segir frá kynlífi hennar og eiginmanns hennar fyrstu dagana og síðan hvernig hún sat í fangi brasilísks karlmanns í heitapotti sem „lék sér við“ hana á meðan eiginmaður hennar horfði á.
En það var á þemakvöldinu sem hún skemmti sér best. Hún var klædd rauðum blúndusamfestingi og fór í leikherbergið með dökkhærðum myndarlegum manni. Nánar er hægt að lesa um þá atburðarrás í pistlinum.
Að lokum segir Ali að eins gaman og það hafi verið að hafa samfarir með ókunnugum fyrir framan eiginmanninn hafi það besta við ferðina verið félagsskapurinn og þetta fallega samfélag sem var þarna um borð.
