Raunveruleikastjarnan Kourtney Kardashian nýtur sólarinnar þessa dagana. Kourtney tók að sjálfsögðu myndir af sér í sólinni en myndirnar hafa vakið þónokkra athygli fyrir það hve lítið bikiníið hennar er. Fjölmiðillinn News.com.au fjallaði til að mynda um myndirnar af Kourtney.
„Smá gaman í sólinni,“ skrifaði Kardashian-systirin með myndunum sem hún birti á Instagram-síðu sinni. Ljóst er að myndirnar vöktu mikla lukku hjá fylgjendum Kourtney en rúmlega þrjár milljónir manna líkuðu við myndirnar.
View this post on Instagram
Þá fengu myndirnar gífurlegt magn af athugasemdum á stuttum tíma. Fylgjendur hennar hrósuðu henni fyrir líkamann sinn og óskuðu sér að líta svona út eftir barneignir á þessum aldri. „Jesús,“ sagði til dæmis einn. „Ég bið til guðs að ég verði svona flott þegar ég er 41 árs og með þrjú börn,“ skrifaði annar fylgjandi. „Þremur börnum síðar. VÁ,“ skrifaði svo enn annar.
Kourtney gefur það ekki upp á samfélagsmiðlinum hvar í heiminum hún er stödd en hún er greinilega ekki ein. Með í för eru að minnsta kosti tvær af systrum hennar. Kendall Jenner sést bregða fyrir á einni mynd sem Kourtney deildi og svo deildi Khloé Kardashian myndum af sér og Kourtney á sama stað. Þá er leikkonan og samfélagsmiðlastjarnan Victoria Villarroel einnig með í för en Kourtney deildi mynd af sér og henni í gær.
View this post on Instagram
