Flestir ættu að vera færir um að ganga á tveimur jafnfljótum án þess að klúðra miklu, enda eitt af grundvallaratriðum þess að vaxa úr grasi sem og að komast ferða sinna.

Flestir hafa sitt göngulag, sem jafnan markast af því hvernig viðkomandi þykir best að labba.

Samkvæmt sérfræðingum geta þó flestir bætt ráð sitt þegar kemur að göngulagi og gefur jógakennarinn Jonathan Fitzgordon lesendum sínum þrjú góð ráð í þessum efnum, en hann er stofnandi Core Walking, sem er gönguáætlun sem ætlað er að bæta íþróttaárangur, draga úr sársauka, og bæta líf þitt almennt.

1 Taktu styttri skref

Það kann að hljóma mótsagnakennt, en styttri skref munu gera það að verkum að þú labbir hraðar. Löng skref geta leitt til eymsla í hnjám og annarra kvilla, þar sem það teygist um of á hnénu við liðamótin. Einnig leiða þau til álags á hælinn og kálfann.

2. Hallaðu þér örlítið fram

Ef þú hallar þér of mikið aftur við göngu, reynir ekki á vissa vöðva líkamans sem æskilegt er. Þá nýtist sá framkraftur sem myndast við göngu verr og getur leitt af sér verk í baki og aftan í lærum.

Rétt er að eyrun séu fyrir ofan axlir og mjaðmir við göngu.

3. Samhæfðu limina

Fitzgordon segir líkamann vera vél sem geti grætt sig sjálfa og hvert skref eigi að örva líffærin og magavöðvana, auk vöðva í fótum og höndum. Því þurfi að samhæfa hendur og fætur þannig að hægri hendi fari sömu lengd og vinstri fótur og síðan öfugt í næsta skrefi.

Þannig náist góð æfing fyrir líkamann allann.

Heimild: mindbodygreen