Svandís Dóra Einarsdóttir leikkona og Sigtryggur Magnason skáld eignuðust dreng þann 14. ágúst síðastliðinn.
Sigtryggur greinir frá þessu á Facebook-síðu sinni.
„Þetta byrjaði eins og amerískt bíó um miðja nótt: „Ég missti vatnið!“ Rokið upp á spítala og hamast við að bíða þangað til um kaffileytið þegar allt fór af stað. Rétt fyrir kvöldfréttir sjónvarps 14. ágúst fæddist stór (16 merkur og 53 cm) og sterkur strákur í baðinu á fæðingarstofu nr. 3. Móður og barni heilsast vel og faðir og eldri systkini í skýjunum,“ skrifar Sigtryggur.
Þau Sigtryggur og Svandís Dóra hafa verið saman um nokkurt skeið og giftu sig árið 2015.
Sigtryggur er vel þekktur í auglýsingabransanum en hann hefur starfað í honum síðan 2005. Hann á að baki feril í blaðamennsku sem ritstjóri Dægurmálaútvarps Rásar 2, umsjónarmaður Helgarblaðs DV, ritstjóri Sirkuss Reykjavík og fastur pistlahöfundur hjá Morgunblaðinu. Þá var hann aðstoðarmaður mennta- og menningarmálaráðherra frá 2009-2010. Sigtryggur hefur einnig fengist við ritstörf og hafa leikverk hans verið sett upp hér á landi og víðar.
Svandís Dóra hefur leikið í sjónvarpsþáttunum Rétti, Pressu og Ástríði, kvikmyndunum Kurteisu fólki, Borgríki og fór með hlutverk Díönu Klein í kvikmyndinni um Harrý og Heimi. Hún fór með eitt af aðalhlutverkunum í kvikmyndinni Fyrir framan annað fólk í leikstjórn Óskars Jónassonar og sjónvarpsþáttaröðinni Borgarstjórinn, hugarfóstri Jóns Gnarr.
Fókus óskar fjölskyldunni innilega til hamingju.
