Framleiðendur teiknimyndaþáttanna Family Guy lofa að hætta að gera grín að samkynhneigðum en á sama tíma lofa þeir að halda þættinum umdeildum og beittum. Rich Appel og Alec Sulkin eru í viðtali í nýjasta tölublaði TV Line, þar sögðu þeir þáttinn vera búinn að draga töluvert í land á síðustu árum:
„Ef þú horfir á þætti frá 2005 eða 2006 og berð þá saman við þætti frá því í dag þá muntu sjá mun. Það var mjög margt sem við gátum sagt þá en í dag vitum við að eru ekki boðlegir,“ sagði Sulkin. Appel bætti við:
„Menningin breytist. Þetta er ekki við að hugsa þetta megum við ekki. Við breytumst líka. Andrúmsloftið er öðruvísi, menningin er öðruvísi og skoðanir okkar eru öðruvísi.“
Family Guy er nú að nálgast 20 ár í sjónvarpi, höfundur þáttanna Seth MacFarlane talar enn fyrir margar persónur þrátt fyrir að hafa snúið sér að mestu að öðru.
