Söngvarinn ástsæli Björgvin Halldórsson var ekki hrifinn af fyrri hluta undankeppni Eurovision í gærkvöld. Björgvin veit hvað hann syngur  (viljandi orðaleikur) enda söng hann framlag Íslands í keppninni árið 1995. Það lag var af allt öðru tagi en framlag Hatara í ár, en Björgvin söng ballöðuna Núna, sællar minningar. Björgvin er ekki með einstrengingslegan tónlistarsmekk og kann afar vel að meta Hatara. Hvað hins lögn snertir segir hann hins vegar að hvort tveggja hafi vantað lög og söngvara og keppnin hafi heilt yfir verið mikil flatneskja.

Björgvin skrifar á Facebook-síðu sína:

Þá erum við loksins komin í úrslitin sem ber að fagna. Lögin sem kepptu í kvöld voru ekki uppá marga fiska og sýnir mikla flatneskju.Þarna vantaði bæði lög og söngvara verð ég að segja. Hatari var óneitanlega með besta atriðið og stóðu uppúr…og nú skulum við vona að laugardagskvöldði verði okkar #hatriðmunsigra!

Við tökum undir með Björgvin og vonumst eftir góðum úrslitum á laugardag.