Hailie Mathers nýtur mikilla vinsælda á Instagram með 1,4 milljónir fylgjenda. Hailie er dóttir Eminem, sem heitir réttu nafni Marshal Mathers, og fyrrverandi eiginkonu hans, Kim.
Hailie er núna í fríi, sem hún segir á Instagram að hafi verið mikil þörf á, og birtir myndir af sér í fagurgulu bikiníi á Havaí. Eins og sést er líkamsrækt mikilvæg í hennar lífi.
Hailie varð í raun heimsþekkt löngu áður en hún varð áhrifavaldur þar sem faðir hennar hefur samið um hana texta síðan hún var ungbarn. Þau feðginin eru mjög náin í dag.
Hailie útskrifaðist frá háskólanum í Michican síðasta vor með gráðu í sálfræði. Þá var hún búin að ákveða að verða áhrifavaldur og hefur unnið statt og stöðugt að því markmiði, með aðaláherslu á snyrtivöru- og tískubransann.