Útvarpsmaðurinn Heimir Karlsson skellti sér í golf í gær sem væri ekki í frásögur færandi nema fyrir stutt en skemmtilegt myndband sem hann tók á vellinum.
Heimir birti meðfylgjandi myndband á Facebook en á því má sjá þegar lítill fugl, máfsungi að líkindum, settist á golfkúluna sem Heimir hafði slegið.
„Skemmtilegt atvik í gólfi í dag. Þegar ég nálgaðist golfboltann minn eftir upphafsöggið á síðustu holu dagsins sá ég í fjarska hvar fugl virtist leika sér að boltanum. Þegar nær kom blasti þetta við,“ segir Heimir en unginn hefur líklega haldið að um væri að ræða egg.
„Heyrðu má ég fá boltann minn, takk fyrir,“ sagði Heimir áður en unginn hafði sig á brott. Í athugasemdum undir myndbandinu gerir einn vinur Heimis grín og segir: „Þú náðir fugli á þessari braut, loksins.“
Myndbandið má sjá hér að neðan:
https://www.facebook.com/heimir.karls/videos/10157906483697178/?t=7
