Á myndinni má sjá núverandi forseta Bandaríkjanna liggja örendan í kistunni en hópurinn káti sem stillir sér þarna upp skælbrosandi samanstendur af fyrri forsetum landsins og eiginkonum þeirra, ásamt núverandi forsetafrú.
Upprunalega myndin var tekin fyrir nokkurm dögum þegar útför Barböru Bush fór fram en hún lést 92 ára að aldri. Daginn eftir var George W.H. Bush, sem er 93 ára, lagður inn á spítala í Houston en hann greindist með sýkingu í blóði.
Óhætt er að álykta að sjálfur sitji Trump einhversstaðar frussandi hneykslaður og sótrauður í framan yfir þessari falsfrétt en sjálfur var hann ekki viðstaddur jarðarför Barböru og sagði það af öryggisástæðum.
Ritstjórn Fókus hefur ekki hugmynd um hver setti þessa frábæru mynd saman en við fögnum framlaginu.
