fbpx
Miðvikudagur 30.júlí 2025
EyjanFastir pennar

Óttar Guðmundsson skrifar: Bólu-Hjálmar

Eyjan
Laugardaginn 24. maí 2025 06:00

Ekki missa af Helstu tíðindum dagsins í pósthólfið þitt

Lesa nánar

Eitt öflugasta og fátækasta skáld 19. aldar var Hjálmar Jónsson frá Bólu í Blönduhlíð í Skagafirði. Hann þótti níðskældinn og var kærður fyrir sauðaþjófnað af nágrönnum sínum. Eftir löng réttarhöld var hann sýknaður og hrökkluðust hjónin í kjölfarið frá Bólu. Hann var listfengur og liggja eftir hann margir glæstir smíðisgripir og útskurður í lokuðum dyblissum Þjóðminjasafns.

Kvæði hans og vísur urðu landsfræg enda var hann ótrúlega hagmæltur. Hjálmar var reiður mörgum samtímamönnum sínum og sendi þeim naprar kveðjur. Hann orti um sveitunga sína í Akrahreppi:

Félagsbræður ei finnast þar,
af frjálsum manngæðum lítið eiga,
eru því flestir aumingjar,

en illgjarnir þeir sem betur mega.

Hjálmar dó í mikilli örbirgð og var jarðaður við litla viðhöfn frá Miklabæjarkirkju. Saga skáldsins er stundum sögð til að sýna fram á skilningsleysi nítjándu aldar gagnvart hæfileikafólki.

Hjálmari hefði þó sennilega ekki vegnað mikið betur í nútímasamfélagi. Ljóðabækur hans hefðu selst illa eins og slíkar bækur gera. Hann hefði birt skáldskap sinn á netinu og uppskorið hörð viðbrögð. Gott og rétthugsandi fólk reiddist og skrifaði harðorða pistla um þennan beiska hagyrðing að norðan. Hann hefði staðið í endalausum meiðyrðamálum bæði gagnvart einstaklingum og opinberum stofnunum með tilheyrandi kostnaði. Íbúar og yfirvöld í Akrahreppi hefðu safnað undirskriftum til að losna við hann úr sveitinni. Bankarnir stefndu honum fyrir þessa vísu:

Er það gleði andskotans,
umboðslaun og gróði,

fémunir þá fátæks manns,

fúna í ríkra sjóði.

Slyngir stjörnulögmenn bankanna hefðu gert hann gjaldþrota. Í ellinni hefði hann unnið við að semja texta fyrir rokkhljómsveitir á Sauðárkróki og koma fram á hagyrðingakvöldum. Félagsmálayfirvöld í Skagafirði settu hann á endalausan biðlista eftir félagslegu húsnæði og liðveislu þar sem röðin kom aldrei að honum.

Hætt er því við að Hjálmar hefði dáið jafn beiskur og einmana inni á hjúkrunarheimili samtímans og hann gerði forðum í Seyluhreppi árið 1875.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 2 vikum

María Rut Kristinsdóttir skrifar: Sólin er komin

María Rut Kristinsdóttir skrifar: Sólin er komin
EyjanFastir pennar
Fyrir 2 vikum

Björn Jón skrifar: Til varnar Íslandssögu Jónasar frá Hriflu

Björn Jón skrifar: Til varnar Íslandssögu Jónasar frá Hriflu
EyjanFastir pennar
Fyrir 2 vikum

Óttar Guðmundsson skrifar: Stalín er ekki lengur hér

Óttar Guðmundsson skrifar: Stalín er ekki lengur hér
EyjanFastir pennar
29.06.2025

Björn Jón skrifar: Skortur á manngildishugsjón

Björn Jón skrifar: Skortur á manngildishugsjón
EyjanFastir pennar
28.06.2025

Sigmundur Ernir skrifar: Krónutjónið nemur 500 milljörðum árlega

Sigmundur Ernir skrifar: Krónutjónið nemur 500 milljörðum árlega
EyjanFastir pennar
26.06.2025

Þorsteinn Pálsson skrifar: Sterka hliðin og hin hliðin á NATO

Þorsteinn Pálsson skrifar: Sterka hliðin og hin hliðin á NATO
EyjanFastir pennar
25.06.2025

Svarthöfði skrifar: Nytsamlegir sakleysingjar þjóna hagsmunum ríkustu fjölskyldna landsins og fá brauðmola að launum

Svarthöfði skrifar: Nytsamlegir sakleysingjar þjóna hagsmunum ríkustu fjölskyldna landsins og fá brauðmola að launum