Á aðalfundi Ungra Pírata síðastliðinn laugardag, 21. september, var ný stjórn Ungra Pírata kjörin. Varaþingmaðurinn Lenya Rún Taha Karim var kjörin formaður félagsins. Lenya komst í fréttirnar við Alþingiskosningarnar 2021 þegar hún varð yngsti þingmaður Íslandssögunnar en missti sæti sitt við endurtalningu atkvæða í Norðvesturkjördæmi.  

 Aðalfundurinn var haldinn á Bragganum, Nauthólsvík samhliða aðalfundum Pírata í Reykjavík, Pírata í Kópavogi og Pírata í Suðvesturkjördæmi, eins og segir í tilkynningu.  

Nýja stjórn félagsins skipa: 

Lenya Rún Taha Karim, lögfræðingur og varaþingmaður  

Davíð Sól, leikskólakennari 

Eyþór Máni Steinarsson, framkvæmdastjóri Hopp 

Gamithra Marga, forritari 

Árni Pétur Árnason, sagnfræðingur 

Aðspurð sagði Lenya Rún um kjörið og komandi vetur: „Það er stór vetur framundan, hvort sem kosningar verði að vori eða hausti til og þá er afskaplega mikilvægt að stefnumálin og kosningastefnur allra flokka taki raunverulega mið af hagsmunum ungs fólks.  

Ungir Píratar munu tryggja að stefnur Pírata taki líka mið af raunveruleika ungs fólks, t.d. hvað varðar húsnæðismarkaðinn, loftslagsbreytingar, námslánakerfi, atvinnuöryggi o.fl. en á sama tíma viljum við einnig skapa vettvang þar sem við tökum vel á móti nýju fólki sem vill taka sín fyrstu skref í stjórnmálum.“