Af þeim sem hafa gefið kost á sér í forsetakjöri, nýtur Baldur Þórhallsson, prófessor, mest fylgis. Fylgi hans mælist 25,8%, þar á eftir kemur Katrín Jakobsdóttir, fyrrverandi forsætisráðherra, með 22,1% fylgi, og Jón Gnarr, leikari og fyrrverandi borgarstjóri, nýtur stuðnings 16,8% kjósenda.

Þetta er niðurstaða könnunar sem Prósent gerði fyrir Morgunblaðið og blaðið skýrir frá í dag. Fram kemur að þrátt fyrir að munurinn á fylgi Baldurs og Katrínar sé 3,7 prósentustig, þá sé hann ekki tölfræðilega marktækur. Vikmörk beggja eru töluverð og því skarast mögulegar fylgistölur þeirra nokkuð.

Halla Hrund Logadóttir, orkumálastjóri, er í fjórða sæti með 10,6% fylgi en aðrir mælast með innan við 5% fylgi, þar af fimm með innan við 1%.

Hægt er að lesa nánar um könnunina í Morgunblaðinu í dag.