Helgi Áss Grétarsson, borgarfulltrúi Sjálfstæðisflokksins, segir að mikilvægur hluti upptöku af borgarstjórnarfundi hafi horfið með dularfullum og óskýrðum hætti. Þetta valdi því að viðurkenning borgarfulltrúa Samfylkingarinnar, Skúla Helgasonar, á því að hlutfjáraukning Ljósleiðarans ehf. sé ígildi einkavæðingar, sé ekki til á myndbandi.

Þetta kemur fram í aðsendri Helga í Morgunblaðinu í dag. Helgi segir:

„Svo sem kom fram í grein minni í Morg­un­blaðinu laug­ar­dag­inn 6. maí sl. þá viður­kenndi borg­ar­full­trúi Sam­fylk­ing­ar­inn­ar, Skúli Helga­son, á borg­ar­stjórn­ar­fundi þriðju­dag­inn 2. maí að hluta­fjáraukn­ing Ljós­leiðarans ehf. væri ígildi einka­væðing­ar. Sú viður­kenn­ing er hins veg­ar ekki til á mynd­bandi. Fyr­ir ligg­ur að þessi mynd­bands­bút­ur er sá eini sem hef­ur glat­ast af þess­um fundi. Ekki er vitað til þess að þetta hafi gerst áður eft­ir að byrjað var að streyma beint frá borg­ar­stjórn­ar­fund­um. Hald­bær­ar skýr­ing­ar á hvernig þetta gat gerst liggja ekki fyr­ir. Aug­ljóst er að það verður að vera úti­lokað að hægt sé að eiga við mynd­bands­upp­tök­ur af borg­ar­stjórn­ar­fund­um. Af þess­um ástæðum er mik­il­vægt að gripið sé til ráðstaf­ana sem koma í veg fyr­ir að svona lagað geti end­ur­tekið sig.“

Helgi segir valdaþreytu einkenna borgarstjórnarmeirihlutann og bendir á að traust og virðing séu áunnin en ekki sjálfgefin:

„Að mín­um dómi hef­ur Sam­fylk­ing­in og fylgi­hnett­ir henn­ar verið of lengi við völd í Ráðhúsi Reykja­vík­ur. Valdaþreyt­an er orðin yf­ir­gengi­leg. Stjórn­sýsl­an í borg­ar­kerf­inu þarf að taka fram­förum. Slíkt ger­ist ekki af sjálfu sér. Fyr­ir þeim breyt­ing­um þarf að berj­ast. Best er að gera það í borg­ar­stjórn­ar­saln­um þar sem allt er tekið upp, nema stund­um.“

Hann segir að ýmsu þurfi að breyta í stjórnsýslukerfi borgarinnar og að fundarmenning í kerfinu sé óheilbrigð. Segir hann þá tilhneigingu ríkjandi í ýmsum fagráðum og nefndum að fylgja dagskrárvaldi meirihlutans með fundarstjórn og rýra möguleika minnihlutans á að veita eðlilegt aðhald. „Al­menn­ing­ur get­ur jafn­an ekki fylgst með þess­um vinnu­brögðum milliliðalaust. Af þess­um ástæðum m.a. hef­ur mér hægt og síg­andi þótt brýnt að borg­ar­full­trú­ar í minni­hluta nýti æðsta vett­vang borg­ar­stjórn­ar, borg­ar­stjórn­ar­fundi, með skil­virk­um hætti,“ segir Helgi.