fbpx
Laugardagur 28.janúar 2023
Eyjan

Sauð á Kolbrúnu í morgun – „Þetta er orðið hryllingur“

Eyjan
Fimmtudaginn 19. janúar 2023 20:00

Kolbrún Baldursdóttir.

Ekki missa af Helstu tíðindum dagsins í pósthólfið þitt

Lesa nánar

„Ég er ekki þolinmóðasta manneskja í heimi, ég veit það en það sauð á mér í umferðinni í morgun frá Efra Breiðholti niður í Ráðhús. Þetta er orðið hryllingur.“

Með þessum orðum hefst færsla sem Kolbrún Baldursdóttir, borgarfulltrúi Flokks fólksins, birti á Facebook-síðu sinni í dag. Ljóst er að Kolbrún er ekki hrifin af umferðinni sem var í morgun en hún kennir ljósstýringum um. „Það er eitthvað mikið að þessum ljósstýringum. Stundum komast bara örfáir bílar á grænu og þá er ég að tala um Kringlumýrarbraut og Miklubraut,“ segir hún.

Kolbrún segist hafa lagt fram fyrirspurning í umhverfis- og skipulagsráð um hvort meirihlutinn og skiplagsyfirvöld ætli að „halda áfram að hundsa þennan vanda?“

„Bílum fjölgar, það sýna rannsóknir. Í morgun sá maður síðan hálftóma strætisvagna aka um borgina.“

Þá birtir Kolbrún fyrirspurn sem hún lagði fram í umhverfis- og skipulagsráði þann 23. janúar síðastliðinn. Í fyrirspurninni segir hún að Flokkur fólksins hafi síðastliðin fjögur ár ítrekað lagt til að farið verði að skoða ljósstýringar í borginni til að hægt sé að bæta og laga erfiðustu gatnamótin með ýmsum leiðum.

„Fulltrúi Flokks fólksins spyr hvort skipulagsyfirvöld séu með einhverjar hugmyndir í farvatninu sem létt geta á umferð s.s. að bæta ljósastýringar þar sem verst lætur?
Hvaða aðgerðir eru í gangi hjá borginni til að draga úr umferðarteppu?“

Í fyrirspurninni segir svo að þegar horft er til samgöngumála sé ekki um marga valkosti að ræða. „Borgarlína verður ekki komin og farin að virka fyrr en eftir nokkur ár. Komu hennar hefur verið seinkað eins og allir vita. Strætósamgöngur er slakar og hefur dregið úr þjónustu sérstaklega eftir að nýja greiðslukerfið kom. Margir treysta sér ekki til að nota það.“

Fullyrt er svo í fyrirspurninni að þeir sem hefðu getað nýtt sér einstaka ferð með strætó finni sér nú aðrar leiðir, þeir sem hafa ráð á því að taka leigubíl geri það. Ástæðan sé sú „ekki tekur því að setja sig inn í Klapp kerfið eða taka sér ferð á hendur á bækistöð Strætó til að kaupa sér Klapp tíu“ en Klapp tíu eru pappaspjöld sem veita aðgang í 10 ferðir með strætó.

Færslu Kolbrúnar í heild sinni má sjá hér fyrir neðan:

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Kosning um verkfall hefst á morgun – Nær til starfsstöðva Íslandshótela á félagsvæði Eflingar

Kosning um verkfall hefst á morgun – Nær til starfsstöðva Íslandshótela á félagsvæði Eflingar
Eyjan
Fyrir 5 dögum

Þessu tapa Eflingarfélagar á því að missa möguleikann á afturvirkum kjarasamningi

Þessu tapa Eflingarfélagar á því að missa möguleikann á afturvirkum kjarasamningi
Eyjan
Fyrir 1 viku

Björn Leví: „Það ætti að hringja öll­um viðvör­un­ar­bjöll­um“

Björn Leví: „Það ætti að hringja öll­um viðvör­un­ar­bjöll­um“
Eyjan
Fyrir 1 viku

Simmi Vill segir að svona sé hægt að sporna gegn frekari verðbólgu á Íslandi

Simmi Vill segir að svona sé hægt að sporna gegn frekari verðbólgu á Íslandi
Eyjan
Fyrir 1 viku

Nýjar ásakanir á hendur umdeildum þingmanni – Sagður hafa stolið peningum frá hundi

Nýjar ásakanir á hendur umdeildum þingmanni – Sagður hafa stolið peningum frá hundi
Eyjan
Fyrir 1 viku

„Hafa viðlíka svik sést í sögu verkalýðsbaráttu á þessu landi?“

„Hafa viðlíka svik sést í sögu verkalýðsbaráttu á þessu landi?“