fbpx
Sunnudagur 29.janúar 2023
Eyjan

Hildur segir stjórnarandstæðinga slá ryki í augu fólks

Eyjan
Miðvikudaginn 11. janúar 2023 15:30

Hildur Sverrisdóttir Mynd: Valgarð Gísla

Ekki missa af Helstu tíðindum dagsins í pósthólfið þitt

Lesa nánar

Greint var frá því í byrjun vikunnar að fjármálaeftirlit Seðlabankans telur að Íslandsbanki hafi brotið lög þegar 22,5% hluti ríkisins í bankanum var seldur í mars á síðasta ári.

Hildur Sverrisdóttir, þingmaður Sjálfstæðisflokksins og meðlimur stjórnskipunar- og eftirlitsnefndar Alþingis, segir stjórnarandstæðinga nýta sér fréttir þess efnis til að „þyrla upp enn meira ryki misskilnings um þetta mál.“

Þetta kemur fram í pistli sem Hildur skrifar en pistillinn var birtur á Vísi í dag. „Þingmaður Samfylkingarinnar þóttist þannig greina tvískinnung í málflutningi stjórnarliða um að lög hefðu ekki verið brotin í málinu,“ segir hún í pistlinum.

„Ekki þarf að kynna sér málið mikið til að sjá þar er um ódýran málflutning að ræða.“

Hildur segir að umræðan á formlegum vettvangi stjórnmálanna hafi snúið að þætti stjórnvalda í sölunni.

„Um þau atriði gerði Ríkisendurskoðun úttekt og skilaði þinginu skýrslu í nóvember. Skýrslan er enn til umfjöllunar í stjórnskipunar- og eftirlitsnefnd en það hefur ekki farið framhjá þeim sem hafa fylgst með málinu að samkvæmt orðum ríkisendurskoðanda benti ekkert til lögbrota af hálfu þeirra sem til skoðunar voru á vettvangi embættisins.“

Þá segir Hildur að ummæli stjórnarliða um að lög hafi ekki verið brotin beinist að sjálfsögðu að þessu. Hún segir að ódýrt sé að ýja að öðru.

„Fjármálaeftirlit Seðlabankans tók í framhaldinu til athugunar aðgerðir ráðgjafanna sem fengnir voru til framkvæmdar útboðsins. Þeir aðilar bera eðli málsins samkvæmt sjálfir ábyrgð á framgöngu sinni, og eðlilegt að því fylgi afleiðingar hafi hún ekki staðist lög.“

Í pistlinum kemur fram að Hildi finnist aumt að fylgjast með fulltrúum stjórnarandstöðunnar „grípa enn og aftur í málflutningstakta sem virðast ganga út á það eitt að slá ryki í augu fólks.“ Hún segir að síðan málið hófst hafi gífuryrði yfirtekið alla skynsama umræðu um málið og að vonbrigði margra stjórnarandstöðuþingmanna hafi verið nánast áþreifanleg þegar skýrsla Ríkisendurskoðunar var ekki „dramatískari en þau höfðu gert sér vonir um.“

„Nú á að freista þess að ýja að því að það sem er til umfjöllunar á milli fjármálaeftirlitsins og Íslandsbanka hafi eitthvað að gera með aðgerðir og umræðu ráðherra eða annarra stjórnarliða, þvert á hið rétta.

Einhver gæti sagt að hér sé einfaldlega um að ræða illa dulbúna rökþurrð.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Kosning um verkfall hefst á morgun – Nær til starfsstöðva Íslandshótela á félagsvæði Eflingar

Kosning um verkfall hefst á morgun – Nær til starfsstöðva Íslandshótela á félagsvæði Eflingar
Eyjan
Fyrir 5 dögum

Þessu tapa Eflingarfélagar á því að missa möguleikann á afturvirkum kjarasamningi

Þessu tapa Eflingarfélagar á því að missa möguleikann á afturvirkum kjarasamningi
Eyjan
Fyrir 1 viku

Björn Leví: „Það ætti að hringja öll­um viðvör­un­ar­bjöll­um“

Björn Leví: „Það ætti að hringja öll­um viðvör­un­ar­bjöll­um“
Eyjan
Fyrir 1 viku

Simmi Vill segir að svona sé hægt að sporna gegn frekari verðbólgu á Íslandi

Simmi Vill segir að svona sé hægt að sporna gegn frekari verðbólgu á Íslandi
Eyjan
Fyrir 1 viku

Jacinda Ardern segir af sér embætti forsætisráðherra

Jacinda Ardern segir af sér embætti forsætisráðherra
Eyjan
Fyrir 1 viku

Nýjar ásakanir á hendur umdeildum þingmanni – Sagður hafa stolið peningum frá hundi

Nýjar ásakanir á hendur umdeildum þingmanni – Sagður hafa stolið peningum frá hundi