Origo hefur ráðið til sín 6 nýja stjórnendur það sem af er ári í mismunandi deildir innan fyrirtækisins. Eitt af markmiðum fyrirtækisins er að auka fjölbreytileika meðal starfsfólks en öll koma þau úr mismunandi áttum með mismunandi bakgrunn.
Geir Ulrich Skaftason var ráðinn janúar 2023 sem verslunarstjóri Origo eftir að hafa starfað hjá Vodafone/365 í 6 ár, 3 ár sem verslunarstjóri. Ásamt vinnu er Geir er nú í Háskólanum á Akureyri að læra viðskiptafræði með áherslu á stjórnun og markaðsfræði.
Klara Jónsdóttir var ráðin í mars 2023 sem vörustjóri í Þjónustulausnir. Klara kláraði grunnnám í ferðamála- og viðskiptafræði og er auk þess með meistaragráðu í viðskiptafræði frá Háskóla Íslands. Hún kemur frá Arion banka þar sem hún sinnti fjölbreyttum störfum m.a. við stafræna þróun, upplifun viðskiptavina og vörustýringu.
Kristín Líf Valtýsdóttir var ráðin inn í júní 2023 sem vörustjóri í Heilbrigðislausnir. Kristín Líf er með M.Sc. próf í verkfræði og kemur frá Controlant en hún var einnig lengi hjá Marel. Hún hefur mikla reynslu af vöruþróun og vörustjórn í stórum fyrirtækjum í hröðum vexti.
Lára Björk Erlingsdóttir var ráðin inn í mars 2023 sem hópstjóri kerfisreksturs. Hún er með BS í tölvunarfræði og M.Sc. í stjórnun og stefnumótum. Lára kemur frá Veðurstofu Íslands og þar áður starfaði hún hjá fjármálafyrirtækjum og Sameinuðu þjóðunum. Hún er með margra ára reynslu af vinnu í hugbúnaðargerð og hefur síðustu 5 ár verið í mismunandi stjórnunarstörfum bæði í hugbúnaðargerð og tölvu- og kerfisrekstri.
Ljósbrá Logadóttir var ráðin inn í lok árs 2022 til að leiða viðskiptaþróun hjá Þjónustulausnum. Hún hefur starfað í upplýsingatækni síðastliðin 10 ár og hefur víðtæka reynslu í samningagerð, birgjasamskiptum og fjármálum. Ljósbrá er með diplóma í ljósmyndun, BA í lögfræði og MBA frá Háskóla Íslands.
Þorbjörg Þórhildur Snorradóttir var ráðin inn febrúar 2023 sem vörustjóri í Heilbrigðislausnir. Hún útskrifaðist sem hjúkrunarfræðingur 2010 og sem tölvunarfræðingur árið 2020. Eftir útskriftina vann hún sem verkefnisstjóri hjá velferðartæknismiðju Reykjavíkurborgar.
