Skiptum er lokið í þrotabú Hótel Sögu ehf. sem var rekstrarfélag samnefnds hótels. Í tilkynningu í Lögbirtingablaðinu kemur fram að lýstar kröfur hafi verið tæpar 735 milljónir króna. Allar lýstar veðkröfur greiddust, að fjárhæð 36,7 milljónir króna, sem og forgangskröfur að upphæð 73 milljónir króna. Upp í samþykktar almennar kröfur að fjárhæð kr. 625.118.694 greiddust kr. 8.361.559, eða um 1,33%.
Hótel Saga ehf. var tekið til gjaldþrotaskipta í september 2021 en þá hafði hótelið verið lokað í tæpt ár í kjölfar kórónuveirufaraldursins. Félagið var í eigu Bændasamtaka Íslands og var, eins og áður segir, utan um rekstur hótelsins en að auki átti BÍ félagið Bændahöllina ehf. sem hélt utan um sjálfa fasteignina.
Svo fór að Háskóli Íslands keypti húsnæðið sem er í dag notað nýtt undir margskonar starfsemi HÍ sem og stúdentaíbúðir.
